*""'Gungunaty Huwe Anchal Ki Hawa Dy Mujh Ko___*
*"''Ungliyaa'n Phair K Baalo'n Men Sula Dy Mujh Ko___*
*""'Jis Tarah Faltu Guldaan Pary Rehty Hen___*
*""'Apny Ghar K Kisi Kony Sy Laga Dy Mujh Ko___*
*""'Yaad Kar K Mujhy Takleef Hi Hoti Hogi___*
*""'Ek Qissa Ho'n Purana Sa Bhula Dy Mujh Ko___*
*""'Doobty Doobty Awaaz Teri Sun Jaoo'n___*
*""'Aakhri Baar Tu Sahil Sy Sada Dy Mujh Ko___*
*""'Main Tery Hijr Men Chup Chaap Na Mar Jaoo'n Kahi'n___*
*""'Main Ho'n Sakty Men Kabhi Aa K Rula Dy Mujh Ko___*
*""'Dekh Main Ho Gya Badnaam Kitabo'n Ki Tarah___*
*""'Meri Tash`heer Na Kar Ab Tu Jala Dy Mujh Ko___*
*""'Roothna Tera Meri Jaan Liye Jata Hai___*
*""'Aesy Naraz Na Ho Hans K Dikha Dy Mujh Ko___*
*""'Aur Kuch Bhi Nahi Manga Mery Malik Tujh Sy___*
*""'Us Ki Galiyo'n Men Pari Khaak Bana Dy Mujh Ko___*
*""'Log Kehty Hen K Ye Ishq Nigal Jata Hai___*
*""'Main Bhi Is Ishq Men Aaya Ho'n, Dua Dy Mujh Ko___*
*""'Yahi Auqaat Hai Meri Tery Jeevan Men K Main___*
*""'Koi Kamzor Sa Lamha Ho'n, Bhula Dy Mujh Ko___*
