*""'Baandh Len Hath Py , Seeny Py Sajaa Len Tum Ko___*
*""'Dil Men Aata Hai k Taveez Bana Len Tum Ko___*
*""'Phir Tumhen Roz Sanwaaren, Tumhen Barhta Dekhen___*
*""'Kyun Na Aangan Men Chanbaili Sa Laga Len Tum Ko___*
*""'Jesay Baalo'n Men Koi Phool Chuna Karta Hai___*
*""'Ghar K Guldaan Men Phool Sa Saja Len Tum Ko___*
*""'Kya Ajab Khwahishen Uth`ti Hen Humary Dil Men___*
*"""Kar K Munna Sa , Hawao'n Men Uchaalen Tum Ko___*
*""'Is Qadar Toot Kar Tum Par Pyaar Aata Hai___*
*""'Apni Banho'n Men Bharen Maar Hi Daalen Tum Ko___*
*""'Kabhi Khwaabo'n Ki Tarah Aankh K Pardy Men Raho___*
*""'Kabhi Khwahish Ki Tarah Dil Men Bulaa Len Tum Ko___*
*""'Hai Tumhary Liye Kuch Aesi Aqeedat Dil Men___*
*"""'Apny Hatho'n Men Duaa Sa Utha Len Tum Ko___*
*""'Jaan Deny Ki Ijazat Bhi Nahi Dety Ho___*
*""'Warna Mar Jaen Abhi Mar K Manaa Len Tum Ko___*
*""'Jis Tarah Raat K Seeny Men Hai Mahtaab Ka Noor___*
*""'Apny Taareek Makaano'n Men Sajaa Len Tum Ko___*
*""'Ab To Bas Ek Hi Khwahish Hai Kisi Morr Par Tum___*
*""'Hum Ko Bikhry Huwy Mil Jao, Sanbhalen Tum Ko___*
